Dr Leo VI. (* z Rom; † 928 oder 929) isch anne 928 fir sibe Monet un e baar Däg Papscht gsii. Di gnaue Date vu syre Wahl un vu sym Dod sin nit bekannt. Wel sy Amtszyt in di zwot Helfti vum Johr goht, chaan er Ändi 928 oder Aafangs 929 gstorbe syy.[1]
Dr Leo isch us er firnämme remische Familie gstammt un anne 928 Kardinalprieschter vu Santa Susanna z Rom wore. Diräkt no dr Absetzig vum Papscht Johannes X. dur d Senatrix Marozia, wu dertemol di remisch Bolitik beherrscht het, isch er zum Papscht ernännt wore. Säll Zytalter isch au as „Pornokrati“ (Mätresseherrschaft) bekannt.[2]
Vu sym Pontifikat waißt mer nume vu Maßnahme zue dr Metropolitanrächt vu Split z Dalmatien un z Kroatie.
© MMXXIII Rich X Search. We shall prevail. All rights reserved. Rich X Search